Автор: Гулья Мисриханова


Гату гъанва вичихъ галаз

Яргъи йикъар чаз.

Зурба гьуьлни кваз ифирдай

Чими ракъар чаз.

Тамарайни кукуп1рин ван

Къвезва япариз.

Ц1иц1 рахазва зегьле тухуз

Физвач ахвариз.

Тарсарайни ганва муьгьлет

Пуд варз субай я

Са варзни зур мад ама заз

Фенвайди са пай я.

Бадеди зун вичин патав тухун заз к1ан я

Эхтиярар авай вири , зун ана, хан я.

Ч1ехи буба гьазур я

Зун галаз , гьуьлел физ.

Заз регьят я , дах гъидалди

Буба рекьел гъиз.

Къе фида чун, зуни буба

Т1улан дередиз,

Зи бубади хиве кьунва

Вирт гъун бадедиз.

Лагьанат1ани бубади мукъаят хьухь заз,

Ч1ижерикай яргъа акъваз , акьадарда цаз.

Чизвачир заз ч1ижеривни чипин цаз гвайди.

Сад ацукьна зин ченедал, вичив лап наз гвайди.

Туьмерзава бубади заз , закай хьанва къвед

Са ченедин ериндал заз , гила хьанва кьвед.

Ц1инин гатуз чир хьана заз

Ч1ижерин миз-миз.

Мад садрани хъифидач зун

Бадебиз вирт гъиз.

Источник: Произведения / Стихи.ру - http://www.stihi.ru/2017/06/13/641
Источник: Вконтакте
Источник: Facebook
Источник: Одноклассники

Отредактировать или удалить данное произведение

Ваше имя: *
Ваш e-mail: *
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Введите два слова, показанных на изображении: